之前講過，希望嚟緊呢年上全馬。最近上網睇下啲海外馬拉松，發現原來真係好多花款：
芝士馬拉松 - 喺法國啲酒莊跑，沿途佢哋會擺啲芝士同ham出嚟畀跑手食(一路跑一路食blue cheese唔知個感覺會點呢......)；
蘋果馬拉松 - 喺青森跑，比賽期間嘅補給站有蘋果同蘋果汁；
另外仲有和牛、飯團、烤肉......幾乎你講得出嘅都有，當中好多都同食有關。呢啲fun run的確好吸引，但畀著我，我可能會掛住食唔記得跑🤣
一路跑一路食嘢未必個個啱，但跑完步飲水同沖涼，就人人都要嘞；啱啱過咗嘅星期日，我去咗一個本地嘅fun run👉🏻奔跑吧高儀 GROHE GO👈🏻睇睇。呢個比賽嘅主題好特別 - 同水有關嘅。
你可能會問：跑完步有水飲有幾咁奇？
係，冇錯好多比賽都有水派，但係由GROHE Blue 3 合 1 氣泡淨水機提供嘅sparkling water呢，就得呢度有嘞。原來就咁一個水龍頭已經可以出到純水、微量氣泡水同氣泡水；開水喉就飲到sparkling water，好鬼神奇。大家亦都唔駛擔心衞生問題，因為佢係有醫療級專利濾心同雙水管嚟分隔過濾水及自來水嘅。
至於當日嘅特設淋浴間，就用咗GROHE Euphoria Smartcontrol嘅雨淋系統沖身，佢有三個噴灑模式，可以因應需要切換水力。跑完沖個身先走，真心爽；唔駛去外國，香港呢個fun run都夠晒特色呀。
#GROHE
#GROHEGO
#奔跑吧高儀
#暢享舒適水生活
#跑出我天地
#比賽完仲可以沖埋涼先走真係好正
Search